叱咤新力軍女金｜林愷鈴才貌雙全 超強學歷背景曝光 憑實力搣甩「龔慈恩個女」
龔慈恩女兒林愷鈴 讀書能歌善舞
最靚星二代林愷鈴絕對唔止得個樣，她曾就讀名校聖保羅男女中學附屬小學及聖保羅男女中學，自小已品學兼優。畢業後升讀港大建築系、鋼琴小提琴長笛聲樂樣樣皆精更懂作曲填詞、聽話聽教勤力好學生活純過蒸餾水。
事實上，Ashley自兩歲起已經開始學習各種樂器， 例如鋼琴、小提琴、中提琴、長笛、非洲鼓等等，也曾接觸朗誦、繪畫、圍棋、游泳、劍擊、騎馬等不同課外活動，興趣廣泛。她在八歲時已考獲六級鋼琴兼八級聲樂資格，極具有潛質。
相關新聞：叱咤2024｜內向Ian陳卓賢罕談父母 屬「難湊小孩」成長背景曝光
17歲被睇中簽約 IB 41分考入港大第一志願
2017年，剛滿17歲的林愷鈴因為龔慈恩關係，被杜琪峯睇中，與媽媽一同簽約成為杜Sir銀河海潤旗下藝人，雖然正式出道，受各大品牌熱捧又做埋劉華監製大電影 《熱血合唱團》女主角。
不過Ashley始終堅持以學業為重，以IB (國際文憑大學預科課程) 41分優異成績 (滿分45)考入第一志願港大建築系後，更是把學業放在第一位，演藝工作暫時都是以廣告和品牌活動為主，但求賺吓零用累積經驗。
半工讀書 大學畢業感言感激2大「最強後盾」
2022年，半工讀書的Ashley終於順利畢業，她在其社交網發表畢業感言，表示「讀到得返半條人命」：
「『學海無涯，回頭是岸啊～』喺我讀緊建築嘅四年中，我經常對自己講呢句說話，不過講還講，我最後都係讀到得返半條人命😆 我想這大概就是建築精神吧。不過建築的確教識咗我好多嘢……最重要嘅係，建築教識咗乜嘢係堅持、執着。佢係我最迷失嘅時候帶俾我信心，亦係我驕傲嘅時候教識我點樣面對rejection。最後，我想多謝與我一路同行嘅老師、同學，多謝你地包容我”半工讀” 嘅 crazy schedule，多謝你地忍受我嘅固執+完美主義+ terrible time management，多謝你哋相信我無論幾忙碌，我對建築一樣都係咁認真」
此外，Ashley還特地感謝媽咪及家傭姐姐：「我的最強後盾「媽媽bao」。
林愷鈴不心急拍拖
雖然媽媽龔慈恩曾經在訪問中表示放心女兒入行、 亦不介意女兒拍拖，但知女莫若母，Ashley勤力用功看重學業、異性朋友亦不多，媽媽最清楚不過。當時即將升讀大學二年級，被問到是否港大校花、追求者眾等問 題，家教嚴Ashley都話反應遲鈍唔多覺喎：「我要兼顧學業又要做嘢，真係冇時間顧多 一樣。我唔覺有人追我喎，拍拖呢樣嘢唔急得嘅，慢慢嚟啦！」加上有個對自己事 業、學業、感情相當緊張的星媽龔慈恩，Ashley想拍拖？要問咗阿媽先！
除了返學、出席品牌活動狂拍廣告晉升成為廣告小天后外，Ashley日常總是秤不離砣黐實媽媽，周日例必連同龔慈恩、15歲弟弟林卓毅結伴返教會再一行三人齊齊返回將軍澳寓所。
文青生活純過水
早前又到周 日、又如常三個一齊過海返教會，崇拜結束，難得見到Ashley撇甩媽媽、弟弟，一個人離開。工作以外，最多都係被拍到返教會、行書店，未試過戀愛滋味，但林愷鈴就話同一般 少女無異自細愛看言情小說：「我細個睇好多愛情小說，心目中都有一個完美男仔要係點，但到我大個啲發現，唔會有一個人係達到嗰種完美嘅條件，如果真係要有條件，我鍾意有才華嘅人。」
身體抱恙再加上抵不過導演吳柏羲堅持，Ashley最 終都係登上男方座駕，由對方駕車過海送到寓所樓 下。
其實呢日Ashley 面青青又著長袖衫，等候期間已經沒精打彩，睇得出身子欠佳。
龔慈恩復出後簽約銀河海潤，杜Sir兩年前 亦近水樓台簽埋林愷鈴成為旗下愛將。經理人透過電話回應本刊記者問有關 Ashley的感情狀況時表示，不能為Ashley代答私人感情問題，只謂暑假頻頻曝光與品牌合作的Ashley開學後繼續學業為重。
阿媽𥄫實
每逢星期日， 過海返教會是林家三母子的指定動作，不過平時 三人共同進退，愛女 心切龔慈恩一定常 在Ashley左右。
難得日前工作後不是直接回家，文青女神都係去咗商場書店打書釘。
暑假多了曝光賺零用錢又想累積演藝經驗，聽話聽教林愷鈴與公司經理 人、助手都相處融洽。
兒子林卓毅更有潛質
與台灣藝人林煒婚後育有一子一女，龔慈恩話過女兒演藝天份不高勝在勤力好學，反而兒子林卓毅模仿能力強更有潛質。同胞姐中、小學同樣就讀名校聖保羅，今年 初 15 歲卓毅就跟同學會一齊競投維園攤檔首嘗擺年宵滋味，仔女一樣痛錫的龔慈恩就 被拍到專程捧場探班，還雀躍舉機與「檔主」囝囝合照。
Heison大讚多才多藝
近年成為廣告小天后，Ashley近期多個熱播廣告亦正 是Heison（吳柏羲）執導，包括護膚品牌，仲有航空公 司直航西雅圖微電影。Heison更po文大讚多才多藝 Ashley包辦埋微電影主題曲作曲作詞及主唱。
